KASANG TUKANG NANGTUNGNA SUNDA WIWAHA

KASANG TUKANG
NANGTUNGNA SUNDA WIWAHA

Dina ngigelan kamajuan jaman jeung ngaronjatna masalah eksistensi urang Sunda kiwari. ngadegna Paguyuban Sunda Wiwaha tangtuna ngabogaan tangtungan jeung udagan kana ajen inajen pikeun ngeukeuhkeun , nguatkeun jeung mageuhan deui duduluran dina masalah patekadan keur kamajuan urang Sunda.Medalna Paguyuban Sunda Wiwaha dumasar ku ayana greget nu jolna tipara dulur jeung babaturan nu ngarasayen urang Sunda geus asa jadi semah di imah sorangan, hariwang jati kasilih ku junti Ngaran Paguyuban Sunda Wiwaha lain diartikeun saukur wibawa dina pangarti anu lain tapi wibawa dina pangartian anu jembar gumantung dina naon anu jadi ka ahlianna sewang sewangan, da geuning Wiwaha mah mangrupakeun konci dina sagala rupa keur ngamimitian pagawean jadi Paguyuban Sunda Wiwaha nyaeta sakumpulan urang Sunda anu mibanda Wiwaha

TANGTUNGAN

Ajeg panjeg babarengan dina bebeneran nu dibarengan ku gantar Alif nu muntang ka Gusti nu Maha Agung tur anu Maha Jembar pikeun ngahudangkeun deui kasadaran sakabeh kumpulan urang Sunda pikeun aub gumulung ngahiji keur mapag Sunda kiwari, jangler hate jembar dada keur muru poe nu pinuh harepan.

USIK

Usik, rincik, nyaliksik bari ngahiap uar pangajak ka sakumna urang Sunda, nunyunda, nu reueus kana Kasundaana kasaha wae jeung dimana wae pikeun nepikeun jeung nepakeun yen urang Sunda ngabogaan potensi anu leuwih ti batur, Ngadata jeung nganjang silaturahmi, gawe bareng lintas sektoral ka lembaga-lembaga : Kamasyarakatan, tokoh-tokoh masyarakat , tokoh agama, paguron-paguron, group-group Pasundan, seniman, budayawan, ormas, jeung sajabana. Motekar jeung rancage bari milu aub ulubiung dina sagala Lingkungan, Seni, Budaya jeung sajabana

Pendiri Asep E Kusnara